فى ناس عايشة ومرتاحة
وناس مش عارفة طريق راحة
وناس فى الضحكة دموعها غلباها
وناس ف الحزن الدمعه حبساها
وناس مش شايفة غير ناس بس جرحاها
وناس ناسية فرحها وسنينها سرقاها
وناس تشوف فرحك والغيرة حرقاها
وناس فاكرة ألمها وبيموتو بالراحة
وناس تشوف وجعك تطبطب بس شمتانة
وناس بتتنهد
وناس بتتمدد
وناس لا بتقوم ولا بتقعد
وناس نفسها تسجد
وناس همها تغلط
وناس تفارقها تعيط
وناس تشوفك تعيط
وناس ضمايرها بتموت
تحرقك من غير اى صوت
وناس قوتها فى سكوت
وناس ضعفها ف الصوت
وناس لا هى قادرة تتكلم وناس مش مقدرة ان العمر بيفوت
وناس انت معاها مش فارقة
وناس مستنية تشوف لك اي غرقة
وناس فرحك ليها حُرقة
وناس بتختار لك الضربة
وناس عايزاك ف غُربة
وناس شيفاك ف الضلمة شمعة
وناس كارهة تنزل عشانك أي دمعة
وناس فارغة.... من برة ومن جوة
وناس لحظاتها بسنين
وناس م الزحمة مش داريه هي مين
وناس سنينها ب يومين
وناس عايشة بس ب آنين
وناس مدوبها الحنين
وناس تراضيها بكلمتين
وناس عتابها ب سبع دواوين
وناس عايشة حيرانة
وناس بدموعها سهرانة
وناس بتدوس ع اللى كان.. يا ألف خسارة
وناس...
وسلام على ناس مسكوا على الواحدة ونهايتهم كانوا عايشين في وحده